မျောက်သစ်ကိုင်းလွတ်

ဒီရက်တွေ အတွင်းမှာ ကိစ္စတော်တော်များများတွေးဖြစ်တယ်။ ငါ့ အနာဂတ်၊ ငါ့ ဆက်ရမဲ့လမ်းက ဘယ်လိုဟာမျိုးဆိုတာတွေပါ။ တကယ်က နောက်ကျနေတယ်လို့ ထင်နေပေမဲ့ ကိုယ့်အနာဂတ်ကို တစ်ယောက်ယောက်က လာဖန်တီးပေးလိမ့်မယ်ဆိုတာမျိုး ယုံကြည်နေတယ်။ တစ်ကယ်တော့ ဒီလိုစိတ်မျိုး ကျွန်တော်မှာပေါ်လာတာ အဆန်းတော့မဟုတ်ပါဘူး၊ ကျွန်တော်က ကိုယ့်မိဘပြောတာ၊ အကိုပြောတာ၊ အမတွေပြောတာတွေပဲ လိုက်လုပ်ခဲ့ရတယ်ဆိုတော့။ သူတို့ကို အပြစ်တင်ချင်တဲ့ စိတ်လိုမျိုးမဟုတ်ပါဘူး။ သူတို့ ပြောတာကို တိတိကျကျ မလိုက်နာလို့လည်း ကျွန်တော် ခုလိုမျိုးဖြစ်လာတာပါ။ ဒါပေမဲ့ ကျွန်တော် ကိုယ့်လမ်းကိုမရွေးရဲအောင် တားဆီးတာမျိုးတော့ ဖြစ်စေတယ်လို့တော့ ထင်မိတယ်။ သူတို့က ကျွန်တော့် အာဏာရှင်တွေလေ။ သူတို့ပြောတာပဲ ဘာတဲ့... မိန်းမရွေးတာတောင် ကျွန်တော်နဲ့ တည့်မဲ့သူကိုမရွေးပါနဲ့တဲ့၊ အမတွေနဲ့ တည့်တဲ့သူပဲရွေးပါဆိုပဲ.. :P

ဒီတော့ ကိုယ်ဝါသနာနဲ့ ကိုယ်ရည်မှန်းချက် ဘယ်လိုလဲပေါ့။ ထပ်တူကျရဲ့လားတို့၊ ဘာတို့၊ ဆက်တွေးဖြစ်တယ်။ အဲဒီမှာပဲစ အခက်တွေ့ရော.. ကျွန်တော် ဘာဝါသနာပါမှန်း ခုထိကျွန်တော် သေချာကို မသိ။ ဂီတကိုပဲ ၀ါသနာပါသလိုလို၊ စာဖတ်တာကိုပဲ ၀ါသနာပါသလိုလို၊ တကယ်တော့လည်း ဒါတွေကလည်း ပါရမီရှင်တွေအတွက် သီးသန့် ၀ါသနာတွေဆိုတော့ ဂီတ၀ါသနာပါလို့ ဂီတာတီးတာကလွဲလို့၊ စာဖတ်တာဝါသနာပါလို့လည်း ဘလော့ထောင်ပြီး ကိုယ်ဖတ်ဖူးတဲ့စာတွေထဲက ကိုယ့်အတွေး၊ ကိုယ့်အယူအဆလေးတွေကို စာတိုပေစလေးတွေအဖြစ် ပြောင်းလဲတာကလွဲလို့ ဘာမှလုပ်နိုင်တာမဟုတ်။ 'တကယ်ဖြစ်ချင်တယ်ဆိုရင် တကယ်လုပ်၊ တကယ်ဖြစ်တယ်' ဆိုတာကိုတော့ ယုံကြည်ပါတယ်။ ဒါပေမဲ့ 'တကယ်ဖြစ်ချင် တကယ်လုပ် ဖြစ်တယ်' ဆိုတာရဲ့နောက်မှာ အကြောင်းတရားတွေက တစ်ခုမက ထပ်ရှိနေပါသေးတယ်။ ဒီတော့ တွေးကြည့်တယ်၊ ကျွန်တော့်မှာ 'ဘ၀အာမခံချက်ရှိတယ်ဆိုတဲ့ အလုပ်တစ်ခု' ဆိုတဲ့ ပစ္စည်းတစ်ခုလိုနေတာပဲ။ ၀ါသနာနဲ့ ကိုယ့်ရည်မှန်းချက် ထပ်တူကျတာမျိုးပေါ့။ ဥပမာ - မတရားမှုကို မုန်းတီးသူတစ်ယောက်က ရှေ့နေလုပ်ပြီး မတရားမှုတွေကို ကာကွယ်ပေးတာမျိုးပေါ့။ ဒါလည်း ကိုယ့်မျက်စိရှေ့မှာ တစ်ခါမှ မျက်မြင်ကိုယ်တွေ့မရှိခဲ့တော့ ဖြူသလား၊ မဲသလားတော့ သေချာမသိပါဘူး။ ဖတ်ဖူးတဲ့ စာအုပ်တွေထဲမှာတော့၊ ဒီလိုပစ္စည်းမျိုးတွေက အနောက်နိုင်ငံတွေမှာတော့ ရှိတယ် ဆိုလားပဲ။ ခု လုပ်နေတဲ့ အလုပ်ကတော့ သေတဲ့ထိလုပ်နေရမဲ့ အလုပ်တော့မဟုတ်ဘူး။ တစ်နေ့တော့ သံယောဇဉ်ကင်းကင်းနဲ့ ကျောခိုင်းရမှာပဲ။ ဘာလို့လဲဆိုတော့ ကိုယ်က မြန်မာနိုင်ငံသား ဖြစ်ခဲ့တာကိုး။

နောက်တော့ အာကွာ.. ရှုပ်တယ် ဆိုပြီး.. အဲဒီအကြောင်းမတွေးတော့ဘူး။ ကိုယ့်ရည်မှန်းချက်ကို ကျော်တွေးကြည့်တယ်။ တကယ်လို့ ကိုယ့်ရည်မှန်းချက်က အဲဒီ အနောက်နိုင်ငံက ပစ္စည်းကြီးမပါရင်လည်း ဖြစ်တယ်ဆိုရင် ရှာမနေတော့ဘူး ဆိုပြီးတော့ပေါ့။ ရည်မှန်းချက်..... ဟိုငယ်ငယ်သေးသေးလေး အရွယ်တုန်းကတော့ နင်ကြီးလာရင် ဘာလုပ်မလဲမေးရင်၊ အင်ဂျင်နီယာ လုပ်မယ်လို့ပဲဖြေခဲ့တယ်။ အသက်နည်းနည်းကြီးလို့ (၅)တန်းလောက် အရွယ်လောက်ရောက်တော့ စစ်သားဖြစ်ချင်လာတယ်။ ရမ်ဘိုကားတွေ၊ အမေရိကန် စစ်ကားတွေကိုကြည့်ပြီး စစ်သားဖြစ်ချင်လာတယ်။ ဆယ်တန်းအောင်လာတော့ ဒီရည်မှန်းချက်ကို ကိုယ်တိုင် အလိုတူတူနဲ့ပဲ လိုလိုလားလားနဲ့ စွန့်လွှတ်လိုက်တယ်။ အဲဒီက ကျော်လာတဲ့ အရွယ်တွေမှာ ကျွန်တော့်မှာ ဘာရည်မှန်းချက်မှ မရှိတော့ဘူး။ ဒီလိုနဲ့ တော်တော်ကြာလိုက်သေးတယ်.. နောက်တော့မှ ဆရာကိုတာတို့၊ ဆရာကျော်ဝင်းတို့ရဲ့ ကျေးဇူး တစ်နည်းအားဖြင့် စာအုပ်စာပေလေး နည်းနည်းပါးပါးဖတ်ဖြစ်တဲ့ ကျေးဇူးလေးကြောင့် ကိုယ်က လူလောက ကမ္ဘာကြီှးမှာ နေထိုင်ပြီးမှတော့ ကိုယ့်ပတ်ဝန်းကျင်လေးကိုတော့ နည်းနည်းဖြစ်ဖြစ်၊ များများဖြစ်ဖြစ် ကောင်ကျိုးပြုရမှာ လူ့တာဝန်ပါလားလို့ သဘောပေါက်လာတယ်။ ဘယ်လိုလုပ်မလဲဆိုတော့ အဲဒီအချိန်က ကိုယ်ကလည်း စာအုပ်ဖတ်တာကိုပဲ အသည်းအသန် အားသန်နေတဲ့ အချိန်၊ စာအုပ်ဖတ်ခြင်းသာလျှင် ပညာကို တွေ့ရှိရာတွေ့ရှိကြောင်းလို့ ခံယူနေတဲ့အချိန်၊ လူငယ်တွေဟာ အသိဥာဏ်တိုးလာတာနဲ့ ရန်ဖြစ်မဲ့ အလေလိုက်မဲ့ အချိန်တွေ ရှိတော့မှာမဟုတ်ဘူးလို့ ယုံကြည်နေတယ်။  ဒီတော့ အဲဒီအချိန်မှာ စိတ်ထဲက ဆုံးဖြတ်ချက်တစ်ခုချလိုက်ဖူးတယ်။ ငါ စာကြည့်တိုက် လုပ်မယ်။ ဆိုတဲ့အတွေးပါပဲ။ ဒီဆုံးဖြတ်ချက်ကတော့ ခုချိန်ထိ ရှင်သန်နေသေးတယ်။ ကိုယ့်မှာရတဲ့ ပိုက်ဆံတွေအားလုံးကို စာအုပ်အဖြစ်အသွင်ပြောင်းတယ်။ နောက် အဲဒီအချိန်က စာအုပ်တွေကို ၀ါးစားသလို ဖတ်ဖြစ်ခဲ့တယ်။ မိုးဂျာနယ်၊ စတိုင်သစ်တို့ကို လတိုင်းဝယ်တယ်။ အဲဒီကြားထဲမှာ ထွက်တဲ့ ကိုယ်ကြိုက်တဲ့ စာရေးဆရာတွေရေးတဲ့ စာအုပ်တွေ အားလုံးဝယ်တယ်။ ရင်ထဲမှာ ဘ၀တွေ၊ အချစ်တွေ ဘာဆိုဘာမှမရှိ၊ ကျွန်တော့် ဦးနှောက်ထဲ အလုပ်နဲ့စာအုပ်တွေသာ ရှိခဲ့တယ်။ အဲဒီနောက် မလေးရှားထွက်လာခဲ့ရတယ်။

ကျွန်တော် စာအုပ်တွေထဲက ကဗျာတွေထဲမှာ တွေ့ခဲ့ဖူးတဲ့ အထီးကျန်မှုဆိုတာဟာ ခေါင်းစဉ်တွေအမျိုးမျိုးတတ်ပြီး ရောက်လာခဲ့ပါတယ်။ ကျွန်တော်ဟာ ဗုံးတစ်လုံးဖြစ်ခဲ့မယ်ဆိုရင် တစ်နေ့တည်းမှာပဲ အကြိမ်တစ်သောင်းလောက် ပေါက်ကွဲပစ်လိုက်ချင်တယ်။ အရာရာဟာ ကျွန်တော်ယုံကြည်ထားတာတွေအားလုံးရဲ့ ဆန့်ကျင့်ဘက်ဖြစ်နေကြတယ်။ ကျွန်တော်ဖြူစင်တယ်လို့ ယူဆထားတဲ့ စေတနာတွေအတွက် ပြန်ရလာတဲ့ အရာတွေကတော့ ထူးဆန်းစွာပဲ နာကျင်မှုတွေချည်းဖြစ်နေခဲ့တယ်။ အဲဒီအချိန်မှာပဲ အဝေးတစ်နေရာက ကျွန်တော့်အဖေ ဆုံးတယ်။ ချစ်ခဲ့ဖူးတဲ့ တစ်စုံတစ်ယောက်က အေးဆေးစွာပဲ ကျောခိုင်းသွားတယ်။ ငွေကြေးဆိုတာက လွဲပြီး အားလုံးဗလာနတ္ထိဖြစ်နေတဲ့ နေရာမှ ကျွန်တော် စိတ်ချဉ်ဖောက်ချင်တိုင်း ဖောက်ခဲ့တယ်။ တစ်ယောက်နဲ့ တစ်ယောက် ခွက်စောင်းခေါက် လုယက်စားသောက်နေတဲ့လူတွေ၊ တစ်ကျပ်ပေးပြီး တစ်ရာလိုချင်တဲ့လူတွေ၊ အားလုံးအတွက်ဆိုပြီး ထိုသူတွေရဲ့ ကျောပေါ်ပဲ နင်းသွားတတ်တဲ့လူတွေ၊ အရှက်မရှိတဲ့လူတွေ၊ နေရာဆိုတဲ့ အရာအတွက်ဆို ဘာဆိုဘာကိုမှ လုပ်ဝံ့တဲ့လူတွေ၊ လူယဉ်ကျေးတွေ လိုက်နာနေတဲ့ သိတတ်မှု စည်းကမ်းတွေကို မသိကျေးကျွန်ပြုပြီး ညင်ညင်သာသာ ကျောကို ဓါးနဲ့ထိုးတဲ့လူတွေ.. ဒီလိုနဲ့ လူတွေရဲ့မျက်လုံးတွေကိုကြည့်ပြီး ကျွန်တော် လောကကြီးကို စိတ်နာဖူးခဲ့တယ်။ ပတ်ဝန်းကျင်နဲ့ လိုက်လျောညီထွေဖြစ်ဖို့ ငါ့ကိုယ်ငါချည်းပဲ ထုဆစ်နေရမှာလား သူတို့ကရော ပတ်ဝန်းကျင်နဲ့ လိုက်လျောညီထွေ ဖြစ်ဖို့ မထုဆစ်ကြတော့ဘူးလား။ ငါကောင်းတိုင်းသူတို့ မကောင်းနိုင်ကြဘူး၊ ငါဆိုးရင် သူတို့ ပြန်ဆိုးမှာသေချာတယ်။ ပတ်ဝန်းကျင်ဆိုတဲ့နင့်ကို၊ လောကဆိုတဲ့နင့်ကို ငါ.. ဘာကောင်းကျိုးမှ ငါ.. မပေးတော့ဘူး။ ငါ့ကို မျက်ရည်ပေးတဲ့ နင့်ကို မျက်ရည်သာ ပေးမယ်လို့ မသိစိတ်က တဖြည်းဖြည်းလက်ခံလာခဲ့တယ်။ အဲဒီအချိန်မှာ ဆရာမြသန်းတင့်ရေးတဲ့ လေလွင့်သူ ဟာ ကျွန်တော်ရဲ့ ရင်ဖွင့်ရာ၊ မှီတွယ်ရာ၊ ခိုနားရာ၊ ကျွန်တော့်ကိုနားလည်ပေးသော တစ်ခုတည်းအရာဖြစ်ခဲ့တယ်။ လောကရဲ့ ဘာဆိုဘာကိုမှ အကောင်းမမြင်တော့ဘူး။ ရန်သူလို့သာ ပိုပိုလိုလိုသတ်မှတ်ထားလိုက်တယ်။ လောကမှာ ကျွန်တော် ယုံကြည်ရမဲ့ သူမရှိတော့ဘူး။ အားလုံးဟာ ကျွန်တော့် ရန်သူတွေသာ ဖြစ်တယ်။ ဘင်လာဒင် WTC ကို ဘာလို့ လေယာဉ်နဲ့ ၀င်တိုက်ခဲ့သလဲဆိုတာကို နားလည်လာတယ်။ လူအများသောက်ရေကန်ထဲတောင် အဆိပ်ခတ်ချင်တဲ့စိတ်မျိုး ပေါက်ခဲ့ဖူးတယ်။ ဘ၀ဆိုတာတွေ၊ အချစ်ဆိုတာတွေ၊ ရည်မှန်းချက်ဆိုတာတွေကို အရက်နဲ့ ရောမွှေပစ်ပြီး မှုန်ဝါးဝါးဖြစ်သွားအောင် လုပ်ပစ်ခဲ့တယ်။ အရက်တွေ သောက်ရင်း၊ သုခမိန်လှိုင်ရဲ့ ဂျင်ပစီမိုးတိမ်၊ မောင်မောင်ဇော်လတ်ရဲ့ ညီးငွေ့ခြင်းနေ့စွဲများ၊ မြင့်မိုးအောင်ရဲ့ စိတ္တှဇကား တို့ကိုဆိုရင်း တစ်ယောက်တည်း အခန်းထောင့်တစ်နေရာမှာ အလုပ်ဆင်းချက်၊ မဆင်းချက်နဲ့ သိမ်သိမ်မွေ့မွေ့ အထီးကျန်ပစ်ခဲ့တယ်။

အဲဒီအချိန်မှာ ခံစားမှုတွေအားလုံးကို ပြေပျောက်အောင်လုပ်ပေးနိုင်မဲ့ဟာကတော့ စာအုပ်တစ်အုပ်သာလျှင်ဖြစ်တယ်လို့ ပြောရင် အားလုံး တစ်ယောက်မှ ယုံကြည်ကြမယ်မထင်ဘူး။ တစ်ကယ်တော့ အမှန်တကယ်ဟုတ်ခဲ့ပါတယ်။ ကျွန်တော့်ရဲ့ စိတ်ချဉ်ဖောက်နေတာတွေ၊ အသဲကွဲမှုတွေ၊ ၀မ်းနည်းမှုတွေ၊ သေချင်နေမှုတွေကိ်ု ဦးအေးမောင်က လူတစ်ယောက်ရဲ့ခွန်အားနဲ့ ကယ်တင်ခဲ့ပါတယ်။ အားလုံးကို မကောင်းမြင်နေတဲ့ ကျွန်တော်အတွက် ဒုက္ခသစ္စာကို ကောင်းကောင်းကိုမြင်သွားခဲ့တယ်။ မိမိစိတ်ရဲ့ မကောင်း အမြင်တွေဟာ မိမိရဲ့ အတောမသတ်နိုင်တဲ့ လိုအင်တွေကြောင့်ဆိုတာကို ပီပီပြင်ပြင်ကိုပဲ နားလည်လာခဲ့ရတယ်။ မိမိလိုချင်တာတွေတာဟာ အစွဲအလမ်းတွေကနေ တဏှာတွေ အဖြစ်တောင် ဖြစ်နေပါတော့လားဆိုတာ စိတ်မကောင်းစရာ သိလိုက်ရတယ်။ ကျွန်တော်ရဲ့ မသိမှုတွေအကြောင်းကို ပါဠိဘာသာစကားတွေ ကင်းကင်းသိလိုက်ရတယ်။ အရင်က ကိုယ့်ပေတံနဲ့ တိုင်းချင်တိုင်းတိုင်းခဲ့တဲ့ ဖြူစင်မှုဆိုတာတွေကို ဗြဟ္မာစိုရ်တရားနဲ့ ညှိနိုင်ခဲ့တယ်။ သီလတရားဆိုတာ ရှောင်ကျဉ်မှုသာမဟုတ်ဘူး၊ ပြုလုပ်ရမဲ့ သီလလည်းရှိတယ်။ အူမတောင့်မှ သီလစောင့်နိုင်တာမဟုတ်ဘူး။ မှန်ကန်တဲ့ သီလဟာ ကြမ်းလွန်းလှတဲ့ အခက်အခဲတွေကြားက တိုးထွက်လာတဲ့ အစမ်းသပ်ခံသီလဖြစ်တယ်။ ရှင်းသန့်တဲ့ မိမိကောင်းမှုဟာ မိမိတန်းဖိုးမဖြတ်နိုင်တဲ့ မိမိရဲ့စိတ်ဓာတ်ခွန်အား ဖြစ်တယ်။ ကျွန်တော်သိလိုက်ရပါတယ်၊ ကျွန်တော်ကိုယ်ကျွန်တော် လိမ်ညာနေမှုတွေများနေလို့ လောကကြီးက ကျွန်တော့်ကို မျက်လှည့်ပြနေတယ်ဆိုကို ကောင်းကောင်းနားလည်လိုက်ပါတယ်။ ဒီညက ကျွန်တော့်ကို ဗုဒ္ဓက အိပ်မက်ပေးပါတယ်။ သူ စကားတစ်ခွန်းပဲပြောခဲ့တယ်။ "နင် 'ဒုက္ခ ဒုက္ခ' ကို အရွဲ့တိုက်ရင် နင်'သင်္ခါရ ဒုက္ခ'ကို မြင်ရမှာ မဟုတ်ဘူး" တဲ့။

အဲဒီနောက်ပိုင်း ကျွန်တော့်မှာ အလွှာတွေ တော်တော်များများကို ခွာချပစ်နိုင်ခဲ့တယ်။ ကျွန်တော်အရင့်အရင်ကထက် အများကြီး လွတ်လပ်သွားခဲ့တယ်။ မိမိရဲ့လိုအင်တွေမှာ တတ်နိုင်သမျှ တဏှာတွေ ကပ်မနေအောင်ကြိုးစားခဲ့တယ်။ ရည်မှန်းချက်နဲ့ ကျွန်တော့်ရဲ့ဘ၀ဒသန တစ်သားတည်းကျအောင် ကြိုးစားနေမိတယ်။ ဆုံရှုံးမှုတွေ၊ လူပါးဝအကျ ခံရမှုတွေကိုလည်း တွေးတော ငိုကျွေးမနေတော့ဘူး။ မှတ်တမ်းတင်မနေဖြစ်တော့ဘူး။ အားလုံးဟာ ဒီနေရာမှာပဲ ပြီးဆုံးသွားခဲ့တယ်။ ခံစားမှုတစ်ချို့ကို ဒီလိုနည်းနဲ့ဖြေဖျောက်ပစ်ခဲ့တယ်။

ဒီနေ့တော့ ကျွန်တော်မေ့ပျောက်ထားတဲ့ အနာဂတ်ဆိုတာ စိတ်ကူးထဲပြန်ပေါ်လာခဲ့ပါပြီ။ ရည်မှန်းချက်တော်တော်များများကိုလည်း ပြန်လည်တွေ့ရှိလိုက်ပါပြီ။ နွေတစ်ချို့က လွတ်မြောက်ခဲ့ပေမဲ့ လူဆိုတဲ့ နိယာမအတိုင်း လောကကို ရုန်းကန်မှုနဲ့တော့ ဆက်ရင်ဆိုင်ရပါဦးမယ်။ နွေတွေလည်း ဆက်လာနိုင်ပါသေးတယ်။ အရင်ကထက် ကြမ်းမလား။ အရင်ကထက် ပိုသွေးပျက်သွားစေနိုင်လား။ အရင်ကထက် ရှည်ကြာမှာလား။ ရောက်လာရင်တော့ ကျွန်တော်သိရပါလိမ့်မယ်။ ထူးထူးကဲကဲတော့ ကျွန်တော် ကြောက်ရွံ့နေမိမယ်တော့မထင်ပါဘူး။ လောကကြီးကို စိန်ခေါ်တယ်လို့တော့ မထင်လိုက်ပါနဲ့၊ ကျွန်တော်မှာလည်း ကျွန်တော့်အကြောက်တရားနဲ့ ကျွန်တော်ရှိနေဆဲပါ။ ရင့်ကျက်သွားတာလား၊ တင်းမာလာတာလား၊ ပျော့ပြောင်းသွားတာလား ရေရေရာရာမသိပေမဲ့ ဆုံးခန်းတိုင်အောင်တော့ တိုက်မှာပါ။ ၀ါသနာနဲ့ ရည်မှန်းချက် ထပ်တူမကျပေမဲ့ နီးစပ်တာမျိုးကို ရှာဖွေသွားဖို့တော့ အသင့်ဖြစ်နေခဲ့ပါပြီ။ လူတွေကို နားမလည်နိုင်ရင်တောင်မှ နားလည်ဖို့တော့ ကျွန်တော်ကြိုးစားတတ်ခဲ့ပါပြီ။ ဖြစ်ကိုဖြစ်ရမယ်ဆိုတဲ့ ဧကန်သဘောတရားထက် ဖြစ်နိုင်အောင် လဲကျရာက အမြန်ပြန်ထပြီး ကြိုးစားရမယ်ဆိုတဲ့ အနေကန်သဘောတရားမျိုးကို တွေ့ရှိလိုက်ပါပြီ။ ရွှေရောင်အိမ်မက်တွေကိုပဲ ဦးတည်မနေတော့ဘဲ ရွှေရောင်အိမ်မက်တွေရဲ့ အကြောင်းတရားတွေကို နားလည်ဖို့ ကြိုးစားရပါလိမ့်မယ်။       ။

ဒီပို့လေးကို ကျွန်တော့် တစ်ယောက်တည်းရဲ့ခံစားမှုမျှသာမဟုတ်ပဲ မလေးရှားမှာ အလုပ်လုပ်နေကြရသော မြန်မာ အလုပ်သမားတွေ အားလုံးအား ရည်ရွယ်ရေးသားပါတယ်..

 ......................................................................

ဘလော့ထောင်ထားတာ မလွယ်ပါလားဗျ :D စာရေးမယ်လို့ သွန်နေတာ ကြာပါပြီ.. ကြာပါပြီဆိုတာထက် ကိုယ်ရေးလိုက်တဲ့ အကြာင်းအရာတစ်ခုက သူများတစ်ဦးတစ်ယောက်ကို ထိခိုက်သွားတာမျိုး စိုးရိမ်လို့ပါ.. နောက် မတူတဲ့ အယူအဆတွေကို အညှင်းပွားရမှာ သိပ်မစိုးရိမ်မိပေမဲ့ ညှင်းခုံနေရမှာ အချိန်ကုန်မှာစိုးလို့ပါ.. ရေးမယ်ကြံတော့လည်း ရေးစရာတွေက အများကြီးရယ်.. မလေးရှားမှာ ဒုက္ခရောက်နေကြရတဲ့ ကိုယ့်လူမျိုးတွေအကြောင်း၊ ကိုယ်နှစ်သက်တဲ့ အယူအဆလေးတွေအကြောင်း၊ ကိုယ်ဖြတ်သန်းခဲ့ရတဲ့၊ ရင်းနှီးခဲ့ရတဲ့ ဘ၀အတွေ့အကြုံတွေအကြောင်းတွေကိုရေးချင်တယ်.. ကျွန်တော်ထင်တာ တကယ်တော့ ဒီလိုဟာတွေက ကိုမြစ်တို့ ကိုဏီးတို့လို ရသအရေးစွမ်းပိုင်နိုင်တဲ့သူတွေရေးနိုင်အောင် အပြင်မှာ တွေ့တော့မှ ကိုယ့်ဖြစ်ခဲ့တာတွေကို တစ်နေ့တစ်ည မမောနိုင်မပန်းနိုင်ပြောရင်း ရင်ဖွင့်ပြီး ကိုမြစ်၊ ကိုဏီးတို့ ရေးပါစေ :P

ကဗျာတို့လည်းရေးချင်တယ်.. ဒါပေမဲ့ ကိုယ်ကိုယ်တိုင်က ကဗျာအကြောင်းနကန်းတစ်လုံးနီးပါးတောင်မသိတော့ ကြုံမှပဲ ကဗျာအရေးသားကောင်းတဲ့ ကိုညတို့ မအင်ကြင်းတို့ကို ပြောပြလိုက်တော့မယ်.. သူတို့ရေးရင် စာဖတ်သူတွေဆီ ကျွန်တော်ရေးတာထက်ပိုရောက်လိမ့်မယ်.. :D မသဒ္ဓါလှိုင်းလိုလည်း ဝေ့ဝေ့၀ဲဝဲ အရေးသားတွေနဲ့ အတွေးလေးတွေ ကျန်ခဲ့အောင်ရေးနိုင်ရင်လည်းဖြစ်တာပဲ.. ဆိုးတာက ဒီလိုမရေးတတ်လို့ ခုလိုမျိုးတွေပဲရေးနေရတာပါ.. အိမ်လေးကို စာမရေးခင်စပ်ကြား အလည်လာတဲ့ မချော၊ မခင်ဦးမေတို့ အပါအ၀င် တိတ်တဆိတ်လာပြီး တိတ်တဆိတ်ပြန်ထွက်သွားကြသူများကိုလည်း ကျေးဇူးအများကြီးတင်ပါတယ်ဗျာ.. ဒီလိုခံစားမှုလေးတွေကပဲ ဘလော့ရေးရတဲ့ ခံစားမှုလေးတွေ ဖြစ်မှာပါ.. စာဖတ်သွားသူအားလုံး ပျော်ရွှင်နိုင်ပါစေဗျာ......