စာစု(၄) အနွေးထည်

တစ်ယေက်တည်း သောက်တော့ အထီးကျန်မှုက ရင်အုံကိုလာမှန်တယ်..
ဟိုး... လွန်ခဲ့တဲ့ နှစ်ပေါင်းများစွာက ညနေတွေကို သတိရမိတော့ ခုလို... ကြိုသူမဲ့ ညနေတွေကို...
ဘ၀ထဲက ဆုတ်ထုပ်ပစ်ချင်တယ်..
အခန်းလေးတစ်ခုဆီက... ၀ရန်တာတစ်ခု... ထိုင်ခုံနှစ်လုံး... ကြယ်တွေ... ညတွေ...
ငါ့မှတ်ဥာဏ်ကြောင့်ဆိုရင်တော့ ငါ... ဒီဦးနှောက်ကိုမလိုချင်..
ဒါမှမဟုတ်... ငါ့အလွမ်းတွေအားလုံးက နှလုံးသားဆီကပဲ ငွေ့ရည်ဖွဲ့ကြတာလား..
ပြန်လိုချင်တယ်.. သို့မဟုတ်... အတိတ်မေ့ချင်တယ်...

နှင်းကို နင်ချစ်တော့... ငါ...နင့်ရင်ခိုရင်းပျော်တယ်..
ငါ့ကို လက်နဲ့ကိုင်တယ်... ငါ့ကို ညအမှောင်ထဲဆွဲသွင်းလို့..
နင့်ရင်အနံ့တွေနဲ့.. ငါ့ကို... အိပ်မက်တွေပေးတယ်...

အမှောင်ကို ကြောက်ပေမဲ့... ဆောင်းကိုတော့... နင့်ကြောင့် ငါချစ်တယ်..
ငါပျိုးတဲ့ သစ္စာပန်းကို... ဂ၀ံလမ်းပေါ်ခင်း... နင်လျှောက်နင်းလို့... သွေးထွက်ပေမဲ့
ငါပျော်တယ်...
ချစ်သူရေ... ဘယ်အချိန်ဖြစ်ဖြစ်မမေ့ပါနဲ့... ငါဟာနင့်အတွက် ခြေတစ်လှမ်းပါ...

အမှန်တော့... သွေးလွန်အောင်အဆိပ်တွေပြည့်မှ... ငါ့ကိုသတိရခဲ့တာပါ..
ဝတ်ချင်တဲ့ အချိန်ဝတ်ပြီး... နင်... ချွတ်ချင်တဲ့ အချိန်ချွတ်ပါ... ငါကနင့်ရဲ့ အနွေးထည်ပါ..
အချစ်ဆိုတာဟာ... ချစ်တဲ့သူ လုပ်သမျှ မှန်နေတတ်တာမျိုးပါ..
ပြန်ရေးလို့မရတဲ့ အနာဂတ်တစ်ခုလား...
တစ်နေ့ထက်တစ်နေ့ အမှောင်တွေပိုပိုသည်းလာသလို... အလွမ်းတွေကလည်း အရောင်တွေရင့်လာကြတယ်..
ချစ်သူရေ... နင်... ဆုတ်ဖြဲ... မချေမွခဲ့ပေမဲ့...ငါနွမ်းလျခဲ့ ပါပြီ...

မတားဆီးဘူး... ချစ်သူ... ငါ့အချစ်မှာ ဓါးမပါဘူး..
မမုန်းဘူးချစ်သူ... နင်ပြောတဲ့ အဖြူရောင်ကို ငါမလိုပေမဲ့... နင်ဆန္ဒမို့ ငါမမုန်းဘူး..
ဒါပေမဲ့ ခုတော့... နင်နှုတ်မဆက်ပေမဲ့... ထွက်မသွားဖို့ တကြော်ကြော်အော်ရင်း..
နင်နဲ့ဝေးရာ တရွေ့ရွေ့ ထွက်ပြေးနေမိပြီ..

ပိုလှတဲ့ ဒေသတစ်ခုပါ.. ချစ်သူ..
ငါပိုင်တဲ့ နွေလို မပူဘူး... ငါပိုင်တဲ့ ညလို မတိတ်ဆိတ်ဘူး...
ဒါပေမဲ့... နင်လိုချင်တယ်ဆိုတဲ့... ငါပျိုးခဲ့တဲ့ ပန်းရနံ့တွေတော့.. သူ့ဒေသမှာ...
ရှင်သန်ခွင့်ရတော့မယ် မထင်ဘူး...

ထာဝရသာ ပိုင်ဆိုင်သွားလိုက်ပါ... ချစ်သူ..
နှင်းကို သူ့ကြောင်းပြောပါ... နှင်းကို သူရူးနေတဲ့အကြောင်းတွေပြောပါ..
ငါက.. ထာဝရ နွေးထွေးစေမယ်..
ထာဝရ ချစ်မယ်.. ဆိုတဲ့
အကြောင်းလည်းပြောပါ...
Goodbye ချစ်သူ.............

..................................................

မပျော်ရွှင်စရာ၊ ဗဟုသုတ မရတာတွေ တင်မိလို့ စိတ်မကောင်းပါဘူးဗျာ..
ပို့ရဲ့ခေါင်းစဉ် အနွေးထည်ဆိုတာက ကျွန်တော်အရမ်းကြိုက်တဲ့
動力火車 (Power Station) ရဲ့ 外套 (Wai Tao) အနွေးထည် သီချင်းနာမည်ကိုယူထားတာပါ..
နားထောင်ချင်ရင် အောက်မှာနားထောင်လို့ရပါတယ်..

Download This Song

မိတ်ဆွေတွေအားလုံးပျော်ရွှင်ကြပါစေ..

ဓာတ်ပုံကို ဒီနေရာက ယူပါတယ်..

စာစု(၃) သေဆုံးခြင်း

ကျုပ်ကိုယ်ကျုပ်လည်း သနားတယ်။ နလန်မထူနိုင်တော့မယ့် အချစ်တွေကိုလည်း သနားတယ်။
လုံးဝမရှိတော့တဲ့ ကျုပ်ပိုင်ဆိုင်ခဲ့တဲ့ မာနကိုလည်းသနားတယ်။
ကျုပ်နဲ့ တပြောင်းတပြန်ဖြစ်နေတဲ့ လောကနိယာမတရားတွေကိုလည်း သနားတယ်။
ကောင်းကင်ဘုံမှာလည်း မနေချင်ဘူး ..ငရဲဆီကိုလည်း မရောက်ချင်ဘူး။ အတွေးတွေနဲ့ ဘဲ
မိုးကုတ်စက်ဝိုင်းတလျှောက် ခရီးထွက်ချင်တယ်။

ထာဝရမီးတွေနဲ့ ထာဝရ ကြွေနေတော့မဲ့ သစ်ရွက်တွေရဲ့အောက် ကျုပ်အတွက်မြေတစ်ပုံပဲ
ပုံပေးပါ။ ဖြစ်နိုင်မဖြစ်နိုင်ဆိုတဲ့ဝေါဟာရနှစ်ခုကြားက ကျုပ်အဖြေရှာကြည့်ဖူးတဲ့ တစ်စုံတစ်ရာ
ပေါင်းများစွာကို ဒီကနေ့ ပဲမေ့ပစ်လိုက်ပါ့မယ်။

ဒိတ်ခနဲ...ပျောက်သွားတဲ့ ပရမတ္ထတရားတစ်ခု မဟုတ်သလို သံသရာဆီကိုကျုပ်ထွက်သွားတယ်
လို့ လည်းမထင်နဲ့ ...။ဖြစ်နိုင်မယ်ဆိုရင်တော့ ရုပ်တွေနာမ်တွေ မရှိဘဲပဲဖြစ်ဖြစ် ရုပ်တွေနာမ်တွေ
ရှိလျှက်နဲ့ ပဲဖြစ်ဖြစ် Thomas More ရဲ့ Utopiaမှာပဲနေချင်တယ်။ မဖြစ်နိုင်ရင်လည်း အ,ဘာဝပေါ့ ။
အမှောင်ကလာပြီး အမှောင်ကိုသွားမဲ့လူပေါ့..။ လာရာကိုမသိ လားရာကိုမသိနဲ့  ဘ၀ထဲမှာ
အစွဲအလန်းကြီးခဲ့တဲ့ အချစ်တွေတော့ တစ်စုံတစ်ယောက်ဆီမှာ မြောက်များစွာထင်ကျန်ခဲ့ချင်
ထင်ကျန်ခဲ့လိမ့်မယ်။ ဥပါဒါန်ရဲ့ အရိပ်အောက်မှာ အချစ်ရှိတာ သေချာရင်တော့တမင်တကာ
လုပ်ယူထားတာပဲဖြစ်မှာ....။ နွေဦးပြီးတော့..ဆောင်းဦးလာလိမ့်မယ်..။လောင်စရာရှိတာ
တွေလောင်ပြီး ပြာဖြစ်စရာရှိတာတွေ ပြာဖြစ်သွားလိမ့်မယ်။

မဂ္ဂကို ရေထဲဆင်းရှာတဲ့ ငှက်တစ်ကောင်လိုပဲ
ထိုနေ့ က ငါ..သေ..ခဲ့...တယ်...။

စာစု(၂)

နင်ဟာ ယစ်မူးမှူကို မြင့်တက်စေတဲ့ဆေးတလုံးဖြစ်တယ်..
နောက်ငါ့မြေပုံပေါ်ပွင့်မဲ့ပန်းတစ်ပွင့်လည်းဖြစ်သေးတယ်..
နင်ဟာ ငါ့ရဲ့ ပျော်ရျွှင်မှူ ငါ့ရဲ့ စွမ်းအားရှင် ငါ့ရဲ့ နာကျင်မှူဖြစ်တယ်..
ရင်ထဲစွဲလန်းမှူရေချိန် မြင့်လေလေ သွေးထွက်များလာလေလေ
အချစ်နဲ့ အမုန်းဟာ တိုက်ရိုက်အချိုးဖြစ်ဆက်စပ်တယ်..
နှလုံးသားထဲသွေဖီသွားတဲ့ညီမျှခြင်းတွေကြောင့်
ထာဝရ အပင်ပန်းကြီးဆုံးအလုပ်တစ်ခု လုပ်နေရသလို ခံစားရတယ်..
စေတန်ရဲ့ ကျိန်စာကို မိထားတဲ့သူတစ်ယောက်လိုပဲ
အားလုံးကိုမေ့ပစ်လိုက်ရင် ငါ့အသက်ပါ ပါသွားလိမ့်မယ်...........!

ငါနဲ့ ထာဝရဘုရားသခင်နဲ့ ကဦးနှောက်ထဲရော နှလုံးသားထဲမှာပါ စီးချင်းတွေ အကြိမ်ကြိမ်တိုက်ထားတော့
ငါ့ယုံကြည်မှူတွေကို မီးရှိူပြီး ကလဲ့စားချေတယ်..
ဘယ်အရပ်ဒေသကမှန်းမသိတဲ့ ကံကြမ္မာမှာက တပည့်တပန်းများတော့ ကစားဝိုင်းထဲ ငါ့ကိုထထကန်တယ်..
ငါ့ဘ၀ကိုစားဖို့ အကြိမ်ကြိမ်ကြိုးစားတယ်..
ငါ့ခြေထောက်ကို သေနတ်နဲ့ ပစ်တယ်..ငါ့ခေါင်းကို လက်သီးနဲ့ ထိုးတယ်..
ဒီလိုနဲ့ .......့ငါ့ချစ်သူကိုဆုံးရှူံးခဲ့တယ်...
ဒီနေ့ ကတည်းက..ဗုဒ္ဓကို ထပ်ရှိခိုးဖို့ ..ငါလက်တွန့် ခဲ့တယ်.......

စာစု(၁)

အစွဲအလန်းတွေလို ညှိူကပ်နေတဲ့ ၀ိညဏ်တွေကို တစ်ခုချင်းဖယ်ခွာပစ်ရမယ်......
တစ်စုံတစ်ယောက်ရဲ့  နှလုံးသားအတွက် ဖြူစင်တဲ့အချစ်တစ်ခု ၊၀မ်းမြောက်ဖွယ်ရာ ပျော်ရွှင်မှူ တစ်ခုခု သွေးရူးသွေးတန်း ပေးချင်နေမိတာလည်း မှားတယ်....
နင်ကိုဘ၀တစ်ခုလုံးပါတဲ့ အကြည့်တွေနဲ့  မကြည့်ချင်တော့ဘူး..
အားပေးစကားတွေနဲ့  အားပေးအပြုံးတွေ မရှိချင်တော့ဘူး....
နွံအိုင်မှာ လန်းဖို့ အတွက် ငါဟာ" ကြာ"မဟုတ်ဘူး....
ဒီလိုနဲ့  သတင်းဆိုးတွေ ကြားကငါ တစ်နေ့ ထက်တစ်နေ့  ငါမုန်းရမဲ့လူတွေများလာတယ်..။
ငါ့ဘ၀ရဲ့  အရေးပါတဲ့သူတွေ တဖြည်းဖြည်းသေဆုံးကုန်တယ်...
အထီးကျန်မှူအတွက် ယုံကြည်ရမယ်ထင်ခဲ့တဲ့ မေတ္တာတရားတွေနဲ့ 
အချစ်ကမ္ဘာမှာရှာခဲ့ ပြီးပြီ...
ခု အမုန်းကမ္ဘာမှာ ရှာမယ်...
ကိလေသာအစုံမရှိတဲ့ငါ ဓားတွေ လှံတွေ ကိုင်တော့မယ်...
ဒါကြောင့်
ဘယ်အချိန် ဘယ်နေရာမှာ ဘာတွေဖြစ်ခဲ့တယ်ဆိုတာကို မေ့ပစ်ရမယ်....